2 illegal miners sa South Cotabato, arestado

KORONADAL CITY – Yara na sa kustodiya subong sang mga otoridad ang duha ka tawo nga nadakpan sa pagpatigayon sang illegal small scale mining sa boundary sang Barangay Pulabato, Danlag kag Tablu Tampakan, South Cotabato.

Ginkilala ang mga ini nga sanday Raymart Arbening, 22-anyos kag Marcelo Arbening, 69-anyos lunsay residente sang Barangay Centrala, Surallah, South Cotabato.

Narekober sa mga ini ang nagkalain-lain nga gamit sa ila nga operasyon.

Kadungan sini gindemolish naman sang Provincial Environment Management Office-South Cotabato ang mga bunk houses nga ginpatukod sa lugar.
Natalana naman nga pasakaan sang nagakaigo nga kaso ang mga suspek.