KORONADAL CITY – Yara na sa kustodiya sang kapulisan ang duha ka mga ginakabig nga street level individual matapos maaresto sang kapulisan sa Prk. 6, Brgy. Kilada, Matalam, Cotabato.
Ginkilala ni Police Lieutenant Colonel Arniel Melocotones, hepe sang Matalam Municipal Police Station ang mga nadakpan nga suspek nga sanday alyas “Nas”, 40-anyos, may asawa, construction worker nga residente sang Pisan, Kabacan, Cotabato kag si alyas ” Carl”, 32-anyos, construction worker kag residente sang Brgy. Onica, Kidapawan City.
Suno kay PLtCol. Melocotones, nakabaton sila sang tawag gikan sa barangay official nga may nadakpan ang mga ini nga duha ka indibidwal nga nagahimo sang illegal nga aktibad, rason nga nag-responde ang mga ini.
Nasapwan sang mga otoridad ang isa ka (1) medium heat sealed transparent plastic sachet kag tatlo ka magagmay nga plastic sachet sang ginapatihan nga shabu.
Sa subong natalana na nga pasakaan ang mga suspek sang kaso nga paglapas sa seksyon 11 sang Art. II R.A 9165 ukon “Comprehensive Dangerous Drugs Act of 2002”.
