KORONADAL CITY- Yara na sa kustodiya sa karun sang mga otoridad ang duha ka mga barangay sa Shariff Aguak, Maguindanao makaligad maarestar sa ginpatigayon nga operasyon sa Brgy. Poblacion Dos.
Suno kay Chief Inspector Esmael Madin, CIDG ARMM Provincial Field Unit Commader, ginpatigayon sang gintingob nga pwersa sa Shariff Aguak PNP, Regional Mobile Force Battalion 14 kag Regional Intelligence Unit ang operasyon batuk kanday Barangay Poblacion Dos Kagawad Hadji Salipada Lidasan kag Barangay Kagawad Badrudin Kutin bangud sa bayulasyon sa R.A. 10591 o Comprehensive Law on Firearms and Ammunition at violations of RA 9516 o illegal possession of explosives.
Narekber sang mga otoridad sa mga suspek ang matag-as nga kalibre sang armas kag mga bala.
Nahibaluan nga katapo sang Akmad Ampatuan group ang duha nga nagapatigayon sang mga iligal nga aktibidad sa Maguindanao.
Sa karun nakatalana nga pasakaan na ang mga ini sang nagakaigo nga kaso.
