KORONADAL CITY- Yara n sa kustodiya sang Shariff Aguak Municipal Police Station ang 2 ka mga suspek nga naarestar sa hana nga pagpamomba sa Shariff Aguak, Maguindanao.
Ini ang ginkumpirmar ni Capt. Arvin Encinas, tagpamaba sang 6th Infantry Division Phil. Army sa interbyu sang Bombo Radyo Koronadal.
Ginkilala sini ang mga suspek nga sanday Esmael Abdulkarem, 44 anyos, residente sang Shariff Aguak kag Boy Kamid, 52 anyos nga residente sang Datu Hoffer, Maguindanao.
Suno kay Encinas kumpirmado ang mga katapo sang Bangsamoro Islamic Freedom Fighters (BIFF) ang mga suspek kag ang 2 pa ka mga kaupdanan sini.
Madumduman nga na defuse sang Army’s Explosive and Ordnance Division (EOD) ang improvised explosive device (IED) nga nakasuod sa dyutay nga boxnga ginbilin sa ticket booth sa kilid sang Barangay Peacekeeping Action Team outpost nga ginbutang sang mga suspek.
Sa karun may lead na ang mga otoridad sa motibo sang mga suspek bangud sa mga vital information nga ginbuyagyag sang mga suspek.
Kadungan sini ginbatak naman ang alerto sa Maguindanao bangud sa posibilidad nga pagsalakay sang BIFF.
