Makabig nga accomplishment para sa Banga PNP ang ginpatigayon nga asud-asod nga search warrant operations sa ila area of responsibility kahapon nga adlaw.Ginpahayag ni PMaj. Joseph Forro, hepe sang Banga PNP nga nadakpan ang mga target personalities sa bahin sang Brgy San Vicente.
Naarestar ang target sang ila simultaneous search warrant operation batok kay Luciano Lupe Cieles, 50 anyos, maintenance crew sa Banga LGU kag residente sang Prk. 6 sa nasambit nga barangay kun sa diin nakuha sa iya ang isa ka sachet sang ginapatihan nga shabu kag mga drug paraphernalia.
Samtang nakustodiya man sang mga otoridad ang ikaduha nila nga target nga si Renato Ladaran nga residente sang Prk. 3 sa nasambit nga barangay kun sa diin nakuha sa iya ang isa ka sachet sang ginapatihan nga shabu.
Samtang ginahulat pa ni Forro ang dugang nga report angot sa operasyon nga ginpatigayon sa Sitio Southsea.
Kaangot sini, padayon ang panawagan ni Major Forro nga likawan ang nasambit nga ilegal nga aktibidad.
