Yara na sa kustodiya sang kapulisan ang duha ka indibidwal matapos nga makuhaan sang illegal nga armas kag bala sa Purok 4, Brgy. Lagandang, Isulan, Sultan Kudarat.
Ginkilala ni PLt.Col. Julius Malcontento, hepe sang Isulan Municipal Police Station ang mga suspek nga sanday alyas “Zai”, 31 anyos, may asawa kag si “Ben”, 27 anyos, may asawa nga lunsay mga residente sang nasambit nga lugar.
Suno kay PLtCol. Malcontento, nakabaton sang tawag ang kapulisan gikan sa barangay nga may duha ka armado nga indibidwal malapit sa ila nga lugar rason nga ginkadtuan sang mga ini kag didto naaresto ang mga suspek upod ang isa ka unit sang cal. 45 pistol, magazine nga may kaundan sang lima ka (5) bala , isa ka unit sang Magnum 357 revolver kag mga bala sini.
Ang duha ka mga suspek ang kasamtangan nga yara subong sa Isulan MPS.
Natalana naman ini nga magpangatubang sang kaso nga paglapas sa RA 10591 ukon Comprehensive Firearms and Ammunition Regulation Act.
Sa kabilang dako, hinikayat rin ng pulisya ang publiko na makipagtulungan sa kanila para mapigilan ang pagkalat ng illegal na mga baril para sa mas ligtas na kuminidad.
