KORONADAL CITY – Naglab-ot sa 17 ka pakete sang shabu ang nakumpiskar sang Koronadal City PNP kag Koronadal City Anti Drug Abuse Coucil (CADAC) sa ginpatigayon nga anti-illegal drugs operation sa Prk Guanzon, Brgy. Zone IV syudad sang Koronadal kagab-i.
Ginkilala ang mga natikma nga sanday Jojo Villa, 35 anyos residente sang Triniville Blk 1 kag Omar Griño 30 anyos nga residente sang nasambit nga lugar.
Sa interbyu sang Bombo Radyo Koronadal kay CADAC action officer Dr. Glorio Sandig, madugay na ang mga ini nga ginatiktikan sang mga otoridad kun sa diin estilo nila nga sa pagbaligya sang shabu amuh ang pinaagi sa ila nga tyangge.
Sa subong padayon pa nga ginahibalo ang balor sang mga nakumpiskar nga iligal nga droga.
Natalana naman nga pasakaan sang kaso ang mga naarestar nga suspek.
