KORONADAL CITY- Nagapangatubang na sa karon sang kaso nga paglapas sa Republic Act 9165 (Comprehensive Dangerous Drugs Act of 2002) kag RA 10591 (Illegal Possession of Firearms and ammunition) ang 2 ka mga suspek nga naarestar sang PDEA-ARMM kag 90th Infantry Battalion Philippine Army sa ginkasa nga drug buy-bust operation sa Datu Odin Sinsuat, Maguindanao Public Market.
Ang mga naarestar nga mga suspek amuh sanday Datunot Abdul Manunggal, isa ka fish vendor nga residente sang Cotabato City, kag isa ka Odin Amba Talipasan, 49, isa ka chainsaw operator halin sa Barangay Dalican, DOS, Maguindanao.
Sa nasambit nga operasyon , nadakpan ang mga ini sa sulod mismo sang palengke kag narekober sa posisyon sang mga ini ang 3 ka mga dalagkuan nga pakete sang shabu nga may balor nga masobra P1 milyong pesos , mga armas, bala kag isa ka motorsiklo.
Nahibaluan nga ang nasambit nga mga suspek ang mga high-value targets kag mga miyembro sang isa ka dako nga illegal drug syndicate.
Sa karun yara na sa kustodiya sang PDEA-ARMM ang mga suspek.
