KORONADAL CITY – Yara na sa kustodiya sang mga otoridad ang duha ka mga ginakabig nga high value individuals matapos nga maaresto sa ginpatigayon nga anti-illegal drug enforcement operation sa Purok 3, Barangay Radja Mudahsiyudad sang Tacurong.
Ginkilala ni P/Lt Col Bryan Bernardino ang hepe sang Tacurong City Police Station ang mga naaresto nga sanday alyas @Rick, 33 anyos, may-asawa, walang trabaho kag residente sang Brgy. Radja Mudah, Tacurong City, Sultan Kudarat kay alyas @Ley, 49 anyos, soltero, wala sang trabaho kag residente sang Brgy. Baras, Tacurong City, Sultan Kudarat.
Sandig sa report, isa ka miyembro sang kapulisan ang nagpakuno-kuno nga poseur-buyer kag madinalag-on nga nakabakal sang isa ka sachet sang ginapatihan nga shabu gikan sa mga naaresto nga suspek.//
Nakumpiska sa mga ini ang ilegal nga droga nga may kabug-usan nga bug-at nga 75 gramo, nga may market value nga P510,000.00.
Ang madinalag-on nga operasyon ang ginpatigayon sang gintingob nga pwersa sang Tacurong City PNP, Sultan Kudarat Police Provincial Office, PDEA-12 kag iban pa nga unit sang kapulisan..//
