KORONADAL CITY – Nagapadayon sa karon ang imbestiasyon sang mga otoridad angot sa nagluntad nga pagpangluthang patay sa 2 ka aplikante sa pagka-suldado sa probinsya sang Maguindanao.
Suno sa Sultan Kudarat Municipal Police Station, ang mga biktima ang ginkilala kanday Celso Kusain II, 25-anyos, residente sang Sitio Talisay, Brgy Poblacion 1, Parang Maguindanao kag Glenn Mark Anthony Jumadiao, 23-anyos nga residente sang Brgy Sarmiento sa banwa sang Parang.
Sa imbestigasyon sang PNP, sakay ang mga biktima sa motorsiklo kag papuli na kuntani sang ginsundan sang riding in tandem suspect sa bahin sang Brgy Rebuken, sa banwa sang Sultan Kudarat.
Naka-angkon sang igo sang bala sa nagkalain-lain nga parte sang lawas ang mga biktima nga nangin rason sang ila nga kamatayon.
Sa karon, blangko pa ang PNP sa motibo sa nasambit nga insidente.
