KORONADAL CITY-Pormal na nga ginpasakaan sang kaso nga rebellion kag illegal possession of firearms ang duha ka alleged members sang Maute terrorist group sa Marawi City nga natikma sang damlag lang.
Suno kay Chief Supt. Reuben Theodore Sindac, police regional director sang Autonomous Region in Muslim Mindanao (Armm) nga may yara sila sang tip nga nabaton gikan sa mga otoridad sa Lumbatan, Lanao del Sur nga may yara sang padulong nga suspected jihadist sa Barangay Pantar sa nasambit nga lugar kun sa dii sila ang nagabulig batuk sa mga terorista.
Ginkilala ni Sindac ang mga suspek nga sanday Sailanie Asral Mamaorong, 37 anyos kag Mama S. Batara okun mas kilala sa tawag nga “Mamaorong.”
Madumduman nga sang natikma ang duha armado ang mga ini sang caliber .50 Barret rifle kag improvised M-203 rifle grenade launcher.
