KORONADAL CITY- Tigayon na nga ginpasakaan sang kaso sang Philippine National Police ukon PNP 12 nga may kaangtanan sa binilyon ka investment scam sa General Santos City.
Ini ang ginkumpirmar ni Pol. Lt. Col. Aldrin Gonzales, Spokesperson PNP 12 sa interbyu sang Bombo Radyo Koronadal.
Suno kay Gonzales, 19 nga kaso nga administratibokag kriminal ang igasang-at sang PNP batok sa mga nagapanguna sa Police Paluwagan Movement ukon PPM Scam nga nagkuha sang halos sa P2 Billion pesos halin sa ila nga mga investors nga ginlakipan sang pulis, opisyal, kag sibilyan.
Ginpa-athag man sini nga indis sila maga untat agod nga mapasabat ang mga ini.
Nahibaluan ang ang PPM Scam ang ginasiling nga nag operate mismo sa sulod sang Camp Fermin Lira sa General Santos City kag ginapadalagan sang PNP Personnel.
Madumduman nga ini ang nangin rason nga gin-relieve sa pwesto ang 3 kamataas nga opisyal sang PNP nga ginkakipan nanday Pol. Col. Raul Supiter, hepe sang General Santos City PNP; Police Col. Manuel M. Lukban Jr., chief sang PRO-12 directorial staff kag si Police Lt. Col. Henry P. Biñas.
Sa subong padayon sa gihapon ang panawagan sang PNP sa publiko nga mangin maalam kag mabusisi sa pagsali mga nagadata nga investment schemes sa Rehiyon 12 nga nagatanyag sang 30%-400% nga monthly interes.
