KORONADAL CITY- Naglab-ot sa 19 ka mga illegal miners ang natikma sa bahin sang Sitio Kampo Kilot, Brgy Tablo ,Tampakan South Cotabato kun sa diin 6 dire ang mga menor de edad.
Sa eklusibo nga interbyu sang Bombo Radyo Koronadal kay Police Inspector Harold Cornel hepe sang Tampakan PNP, ang mga natikma ang ginkilala kanday Anthony Malit, Joni Masamlok, Ryan Diolan, Leath Matibay, Nelson Collado, Aldrin Dayem, Macky Labuayan, Lito Malayon, Roy General, Albert Ngoho, Serino Quibol, Bobet Peras kag Richie Jolan kag anum ka mga menor de edad.
Nahibaluan nga ini ang pinakabag-o nga operasyon nga ginpatigayon batuk sa mga illegal miners kun sa diin nakuha sa mga ini ang mga kagamitan sa pagmina, mercury kag iban pa.
Natalana naman nga pasakaan sang kaso ang mga yara sa legal nga edad nga natikma samtang ang mga menor de edad ang yuara sa kustodiya sang DSWD kag natalana nga igapatawag ang ila mga ginhikanan.
Nahibaluan nga hugot nga ginadumilian sang PEMO ang iligal nga pagbanlas sa probinsya kag hugot nga ginamonitor sang mga otoridad
