Arestado ang 19-anyos nga babayi sang Polomolok MPS bangud sa ilegal nga mga sigarilyo sa Polomolok Public Market, Brgy. Poblacion, Polomolok, South Cotabato. Kahapon nga adlaw sang Domingo, Disyembre 7, 2025.
Ginkilala ang suspek sa kay alyas “Maya”, 19-anyos, babayi, kag residente sang Brgy. Poblacion, sa nasambit nga banwa.
Base sa Polomolok MPS, nagpatigayon sila sang operasyon kag nangin resulta sa pag arestar sang suspek. Nakuha halin sa suspek ang duha (2) ka bag nga may unod nga:Trenta (30) ka packs sang Cannon green, Singkwenta (50) ka packs sang New Berlin red kag iban pa nga ginakabig nga ilegal nga sigarilyo.
Samtang, ang nakumpiska nga smuggled cigarettes pagadalaon sa Bureau of Customs, General Santos City para sa nagakaigo nga disposisyon.
Kaso para sa paglapas sang R.A. 10863 (Customs Modernization and Tariff Act) kag R.A. 10643 (Graphic Health Warnings Law) nga isasaka batuk sa suspek.
