Naaresto sang kapulisan ang isa ka 19-anyos nga lalaki sa checkpoint operation sa kalabaon sang National Highway, Purok 1A, Katidtuan, Kabacan, Cotabato.
Ginkilala ni Police Major Maxim Peralta, Officer-In-Charge sang Kabacan Municipal Police ang nadakpan nga suspek nga si alyas “Nai”, 19 anyos, soltero kag residente sang Poblacion, Pagalungan, Maguindano Del Sur.
Suno kay PMaj Peralta samatang nagapatigayon sang checkpoint operation ang mga tinawo sanng Kabacan Municipal Police Station, nakuha sa suspek ang isa ka dako nga transparent plastic sachet sang ginapatihan nga shabu, isa ka sling bag nga may unod nga pitaka, kag duha ka (2) lighter, isa ka yunit sang motorsiklo nga sang ulihi naberepika sang mga otoridad nga kinawat gikan sa Digos City.
Kaso nga paglapas sa RA 9165 ukon “Comprehensive Dangerous Drugs Act of 2002” ang pagaatubangon sang nadakpan nga suspek.
#sabagongpilipinasgustongpulisligtaska
