18 patay, masobra 30 pilason serye sang pag-atake sang female suicide bomber sa Borno state, Nigeria

Patay ang 18 ka tawo kag 30 naman ang napilasan matapos ang serye sang pagpang-atake sang ginapatihan nga babaye nga suicide bomber sa northeastern sang Borno state sa Nigeria, suno sa local state emergency management agency.

Suno kay Barkindo Saidu, director general sang Borno State Emergency Management Agency, separado nga gin-atake sang mga suicide bomber ang isa ka kasal, punerarya kag ospital nga gintunaan sang pagkapatay sang pila ka mga tawo sa banwa sang Gwoza.

Dugang pa ni Saidu, 18 ang kumpirmado nga napatay lakip na mga kabataan, katigulangan kag nagabusong nga babaye.

Nahibaluan nga ang Borno ang sentro sang 15 na ka tuig nga Islamist insurgency nga gintunaan sang pagkapatay sang linibo ka tawo