Nagpanago na ang 18 ka mga nagpakilala nga any Marines nga nagserbi nga ‘bagmen’ para kay anay Congressman Elizaldy Co bangud sa mga pamahog sa ila seguridad, suno sa grupo nga United People’s Initiative (UPI), nga ginabug-usan sang mga anay opisyal kag personnel sang militarya.
Suno kay Rey Valeros Jr., secretary-general sang UPI, nakabaton sang pamahog sa ila seguridad ang 18 ka indibidwal matapos nila ibutyag ang ila papel sa paghatud sang male-maleta nga kwarta sa mga opisyal sang gobyerno.
Ginpahayag ini matapos nga wala nagtambong ang 18 ka anay Marines sa awarding ceremony sang UPI sa San Juan City, Biyernes, Marso 6, kun sa diin dapat sila pasidunggan angot sa ila katapangan sa pagbuyagyag sang mga anomalya.
Gin-admiter ni Valeros nga nagahatag ang grupo sang pinansiyal kag seguridad nga suporta para sa 18 ka anay sundalo samtang sila yara sa guwa.
Apisar sini, ginpahayag ni Valeros nga preparado gihapon ang 18 ka suldado nga magatubang sa bisan ano nga imbestigasyon, kun ini mag-apekto sa Senado, Kamara de Representantes, ukon sa Office of the Ombudsman.
