KORONADAL CITY – Yara na sa kustodiya sang mga otoridad ang isa ka lalaki matapos nga madakpan kag makuhaan sang illegal nga droga samtang ginapaidalom sa ronda patrolling sa Baragay Poblacion, Kidapawan City.
Ginkilala ni Police Lieutenant Colonel Dominador Palgan Jr, Station Commander sang Kidapawan City Police Station, ang suspek nga si alyas “James” 18 anyos, single, self-employed, kag residente sang Poblacion, Magpet, Cotabato.
Suno kay PLTCOL Palgan Jr, nakuha gikan sa suspek ang tatlo ka pakete sang ginapatihan nga shabu nga may kabug-aton nga masobra 0.15 gramo, nga may street market value nga Php3,000.00.
Ang suspek ang yara na karon sa PNP Custodial Facility matapos magpaidalom sa Police Booking Procedure kag Medical Examination samtang ginahulat ang pagpasaka sang nagakaigo nga kaso batuk sa iya.
