Nagsaka na sa 17 ang patay kasunod sang pagkatiphag sang isahanon nga landfill site sa Kampala nga amo ang kapital sang Uganda.
Naga-inulan sa amo nga pungsod sa sulod na sang pila ka semana nga amo ang rason sang pag-collapse sang mga basura sang Biyernes nga rason man kun ngaa natampukan ang kaiping nga mga balay kun sa diin nagakatulog amg mga residente.
Suno sa Uganda Red Cross, sini lang nga Domingo, nakutkutan ang bangkay sang apat pa ka tawo rason sang pagsaka sang deatl toll sa 17.
Una na nga ginpahayag ni President Yoweri Museveni nga ginmanduan na sini ang prime minister nga mag-koordinar para nga mapasaylo na ang tanan nga nagapuyo malapit sa garbage dump.
Ginsuguran naman ang imbestigasyon kun ano ang gintunaan sang landslide kag may paandam nga may mga tikang nga himuon batok sa mga opisyal nga mapamatud-a nga nagpabaya.
Sa amo nga insidente, 14 man ka mga tawo ang na-rescue apang posible pa madugangan.
Sang 2017, 115 man ang napatay sa Ethiopia bangud sa garbage landslide sa Addis Ababa. Sa Mozambique, 17 man ang nagtaliwan sa kaangay man nga rason sang 2018 partikular na sa Maputo.
