Koronadal City- Ginpakigbahin sa Bombo Radyo kun paano na-trap sa isa ka building ang 17 ka mga reviewers sa Mindanao State University (MSU) Marawi ang ila nga nangin eksperyensya sa nagapadayon sa gihapon nga engkwentro sang Militar kag Maute Group sa Marawi City.
Sa nangin pahayag ni Dey Ann Castillon, resdiente sang Tacurong City, sang natabo suno pa ang pagpang-atake sang Maute, yara ini sa 2nd floor sang ila nga Aprtment kag nakit-an nila ang mga nagkalatabo sa idalum kag sang mga mga ginpang-tutdan nga mga kumbuyuhan.
Suno kay Castillon, 2 na ka adlaw sila nga na-trap sa ila nga aprtment nga wala sang tulog kag kaon kag naka-angkon man sila sang kahadlok kag trauma bangod sa kabaskog sang mga paglupok nga ila nabatian.
Kinanglan pa suno pa nila nga mag-sul.ob sang Hijab agod nga ma-luwas batok sa nasambit nga terorista nga grupo.
Dako man ang pasalamat sang mga ini nga gin-rescue sila sang mga suldado kag nakahalin na sa nasambit nga lugar..
Sa subong, naga-tinir ang mga ini sa kalapit nga barangay sa Marawi kag nagahulat na lang sang masakyan agod nga makapuli sa Tacurong apang problema sa gihapon nila ang masakyan bangod sa hugot nga seguridad sa lugar.
Sa piyak nga bahin, gin-kumpirmar man sini nga madamo suno pa ang mga residente kag mga estujante sa lugar ang nagakinanglan sang bulig agod nga maka-luwas.
