KORONADAL CITY- Nangin epektibo suno pa ang isa ka tuig nga training sang Arnis players sang SOCCSKSARGEN delegation sa nagapadayon nga Palarong Pambansa 2017 makaligad masungkit ang 4 ka bulawan nga medalya.
Sa ekslusibo nga interbyu sang Bombo Radyo Koronadal kay Ryan Muyco, coach sang elementary girls sa hinampang nga arnis halin sa syudad sang Tacurong kabug-usan nga 17 ka mga rehiyon ang ila ginlutos kag tigayon nga nagdaog sang bulawan nga medalya.
Samtang, madumduman nga una na nga naangkon ni Jeko Jann Heyres ang bulawan nga medalya para sa Individual single weapon elementary boys kahapon.
Ginsundan naman sa pag-angkon sang 2 ka bulawan nga medalya para sa double weapon elementary girls nga ginalakipan nanday Princess Sheryl Valdez kag Joana Marie Julaya samtang para sa Single weapon secondary girls nga ginakabug-usan nanday Lesilie Avila, Nicole Kaxandra Lumactod kag Ferei Gwen Roa.
Kaina lamang sang aga nadugangan naman ini sang isa pa ka gold medal paagi kay Valdez.
