KORONADAL CITY- Naglab-ot sa 17 ka mga puluy-an ang ginkaon sang kalayo sa bahin sang Parang, Maguindanao.
Sa imposmasyon nga ginpalab-ot sa Bombo Radyo Koronadal naghalin suno pa ang nasambit nga sunog sa puluy-an ni Hadji Salma sa Poblacion 2 sa nasambit nga banwa.
Nagpalala pa sa sunog ang mabaskog nga huyop sang hangin kun sa diin nagdugang pa sa paglapta sang kalayo nga nagkaon sa 17 ka mga puluy-an.
3 naman ang napagkit nga pilason kun sa diin wala sang nasalbar ang mga nasunugan makaligad wala gilayon makaresponder ang fire truck sang nasambit nga banwa bangud sa guba suno pa ini.
Sa subong nagapadayon pa ang imbestigasyon sa nagluntad nga sunog kun sa diin ginapatihan nga nagalab-ot sa milyones ang damyos.
Dugang pa nga sa subong nagapabilin sa mga evacuation center ang mga apektado nga pamilya.
