Nagapadayon sa subong ang monitoring sang Office of the Provincial Veterinarian o Opvet sa probinsya sang Cotabato angut sa padayon nga pagsaka sang kaso sang African swine fever o ASF Virus sa nasambit nga probisya
Base sa pinaka-ulihi nga datos sang probinsiya sang Cotabato, nadugangan pa sang duha ang mga apektado nga mga barangay sa probisya sa diin ginakalakipan sang Barangay Upper Paatan sa banwa sang Kabacan kag Barangay Meocan naman sa banwa sang Arakan.
Sa kasamtangan, kabug-usan na nga 61 ka mga barangay sa 1st District sang Cotabato ang apaketado sang ASF nga sakop sang mga banwa sang Pigcawayan, Midsayap, Libungan, Alamada, Aleosan kag Pikit.
70 ka barangay naman sa 2nd District nga ginakalakipan sang mga banwa sang Kidapawan, Makilala, President Roxas, Magpet, Antipas, President Roxas kag Arakan samtang 36 ka mga barangay sa 3rd district nga sakop sang mga barangay sa banwa sang ng Matalam, Tulunan, Kabacan kag M’lang .
Kabug-usan naman sang 167 ka mga barangay sa probinsya sang Cotabato ang napagkit.
Sa karun padayon pa ang monitoring sang Provincial Veterinarian o Opvet sa probinsya sang Cotabato bangud mahimo pa nga magsaka ang kaso sang mga ini bangud sa padayon nga madagdagan ang mga napagkit nga mga kaso.
Nagpaalinton naman ang mga otoridad sa mga hog raisers nga makig-angot sa sa ila nga pamunuan agud madasig nga mabantayan ang paglapta sang nasambit nga balatian.
