KORONADAL CITY- Naglab-ot sa 16 ang ka mga persona ang tigayon nga ginpangdangat sa balay bulolngan matapos magtay-og ang 6.8 magnitude nga linog pasado alas 4:00 sang hapon, Nobyembre 17, 2023.
Suno sa datos sang South Cotabato Provincial Hospital Emergency Room,yara sa 16 ang napagkit nga gindala sa amo nga balay bulolngan kung sa diin 12 diri ang lunsay mga empleyado sang isa ka mall sa Syudad kag 2 ka mga estudyante halin sa Concepcion National High School sa Bo.6 sang Koronadal kag isa ka estudyante sang Ramon Magsaysay Memorial Colleges. Dugang pa sang ER Personels nga duha man sa kustomer sang isa ka mall ang nagapabalin sa amo man nga balay bulolngan kag padayon nga ginabulong matapos mapilasan sa ulo kag kamot tuga sa sang pagkahulog sang mga falling debris.
Samtang kadamuan sa mga ini ang nadulaan sang ila animo,pagkabudlay sa pangginhawa kag pag atake sang miyerbyos tuga sang tuman nga kahadlok.
Sa karon, nakaguwas na sa nasambit nga balay-bululngan ang mga nasambit nga biktima. Samtang, padayon naman ang close monitoring sang PDRRMO kag CDRRMC sa pag asses sa Malls ,Eskwelahan kag iban pa nga mga establisyemento sa Syudad, kag hugot naman ang pagpaandam sang Alkalde sang Koronadal sa mga pumuluyo nga maghalong gid labi na nga posible may magaluntad nga aftershocks matapos ang mabaskog nga pagtay-og.
