Narekober sang Presidential Commission on Good Government (PCGG) ang yara sa 16 ka salakyan sang gobyerno halin sa ginbasura nga ill-gotten wealth case batok kay anay Presidente Ferdinand Marcos Jr. kag iya maybahay nga si anay First Lady Imelda Marcos.
Ginhimo sang PCGG ang pahayag matapos nga ginbasura sang Sandiganbayan ang ill-gotten wealth case sa iladalum sang Civil Case 0032 nga gin-file batok sa dati nga first couple kag ila mga associates tungod sa kawad-on sang aksyon sang state prosecutors sa kaso nga nabinbin na sang halos 4 ka dekada.
Matatandaan nga ginpasaka sang PCGG ang kaso sang Hulyo 1987 batok sa mag-asawa nga Marcos kag anay Malacañang photographer Fernando Timbol. Lakip sa kaso ang 21 ka motor vehicles kag household appliances nga nagabalor sang P5 million nga ilegal nga nakuha ni Timbol nga dapat ibalik sa gobyerno.
Samtang, sa ginpagwa nga pahayag sang ahensya, nalakip ang desisyon sang Korte Suprema sang Pebrero 8, 1989, nga nagdeklarar nga ill-gotten wealth ang properties nga nakuha sang defendant nga si Timbol kag forfeited pabor sa gobyerno. Gin-isyu man sang ulihi ang isa ka writ of execution nga nagpabalhin sa kustodiya sang nasambit nga mga salakyan sa PCGG, gani madinalag-on nga narekober ang 16 ka forfeited motor vehicles.
