KORONADAL CITY – Hustisya ang panawagan subong sang pamilya sang isa ka sultero nga ginluthang-patay sang mga otoridad makaligad ginaaligar nga nagbato sa ginpatigayon nga operasyon sa bahagi ng Tantangan, South Cotabato.
Sa interbyu sang Bombo Radyo Koronadal kay alyas Christie, tiya sang binatilyo, indi sila makapati nga nagbato suno pa ang hinablos sini nga si Cyrus Elyron Pabulare, 16 anyos kag residente sang Brgy. Libas sang nasambit nga banwa sa ginpatigayon nga drug buybust operation sang mga otoridad sa bahin sang Brgy. New Iloilo.
Sa panaysayon ni Christie, posible nga magakadto ini sa nasambit nga barangay agud sugaton ang iya nobya.
Dugang pa sini nga overkill ang natabo sa pagpatay sa iya hinablos.
Ginpanginwala man sini nga may dala ini nga armas luthang sang pakadto ini sa nasambit nga lugar.
Narekober suno pa sang mga otoridad kay Pabulare ang kalibre 38 nga armas kun sa diin nakaangkon ang sultero sang 14 ka igo sang armas sa nagkalain-lain nga bahin sang iya lawas.
Luyag subong sang pamilya kag himata sang mga ini sang maid-id nga imbestigasyon kaangot sa pagkapatay sang nasambit nga sultero.
