Ginpaidalum na sa state of calamity ang 158 ka mga lugar sa Pilipinas bangud sa halit nga dala sang bagyo Kristine.
Sandig sa data nga ginpagwa sang National Disaster Risk Reduction and Management Council (NDRRMC) subong nga Domingo, nagapanguna ang Bicol Region nga may 78 ka mga banwa kag siyudad nga napaidalum sa state of calamity.
Lakip ang bilog nga probinsya sang Albay, Camarines Sur, Camarines Norte, Catanduanes, Bulan, kag Sorsogon.
Nagapangaduha ang Calabarzon nga may 63 cities kag municipalities nga yara naman sa state of calamity.
Samtang 13 ka mga lugar ang ginpaidalum man sa state of calamity sa Eastern Visayas.
Yara naman sa state of calamity ang Ilocos Region, Soccsksargen, Cordillera Administrative Region, kag National Capital Region.
