KORONADAL CITY– Magapadayon pa ang operation greyhound sang mga otoridad kasunod sang narekober nga shabu sa sulod mismo sang presuhan sa South Cotabato Provincial Detention and Rehabilitation Facility.
Sa ekslusibo nga interbyu sang Bombo Radyo Koronadal kay SoCot Jail Warden Felicito Gumapac, ginpatigayon ang operasyon sa selda 16 sang jail kun sa diin narekober ang 15 ka pakete sang shabu nga ginsulod sang mga inmates sa sulod sang tubo.
Nangin pabudlayanay man ang pagrekober sa mga iligal nga droga bangud nangin mautok ang mga inmates sa pagpalusot sang kontrabando sa sulod sang presuhan.
Naglab-ot naman sa 118 inmates sa sulod sang selda 16 ang ginapaidalom sa imbestigasyon.
Madumduman nga sining nakaligad nga mga inadlaw yara man sa masobra 40 ka mga inmates ang nagpositibo sa iligal nga droga sa selda 9 makaligad ang ginpatigayon nga suprise kag rando drug test nga ginpatigayon sang Philippine Drug Enforcement Agency o PDEA 12.
