-- ADVERTISEMENT --
KORONADAL CITY – Nagdangat sa 15 ka mga tawo ang nagkalamatay sa isa ka 34-storey high-rise residential building sa Nanjing, China bangud sa nagluntad nga sunog.
Magluwas sa nagkalamatay, may yara sang 44 ka iban pa ang pilason nga padayon sa gihapon nagapaayo sa balay-bululngan.
Kung mahibaluan, biyernes sang madawat sang Local Fire Department ang alarm may kaangtangan sa nasambit nga sunog sa isa ka residential building sa Yuhuatai District.
Suno sa mga otoridad, mahimo pa madugangan ang kadamuon sang nagkalamatay bangud madamo ang yara sa kritikal ang kondisyon. Ginatudlo na man nga rason sang insidente amu ang electric bicycle sa first floor sang nasambit nga building.
