KORONADAL CITY- Padayon sa karon nga ginamonitor sang DepEd Koronadal kung may yara pa sang pipila ka mga buluthuan ang nagpasang letter of intent nga nagapangbay nga malakip ang ila nga bulthuan sa half day face to face classes.
Ini ang ginpahayag ni Mr. Rolex Lotilla, DepEd Koronadal Information Officer sa interbyu sang Bombo Radyo Koronadal.
Suno sa iya, posible pa nga madugangan ang 15 ka mga buluthuan nga nagpatuman sang half day face to face class.
Ginpaklaro ni Lotilla nga ginhimo ang ini nga tikang- nga amo naman ang blended agud nga masiguro ang kaluwasan sang mga manunudlo kag mga estudyante.
Ini bangud suno pa sa tuman ka init kag pabag-o bag o nga panahon nga naeksperyensyahan sa siyudad.
Nahibaluan nga ang mga eskwelahan nga nagpatuman na sa blended learning ang nag agi anay sa assessment sang ila naman nga Technical Working Group o TWG..
Gindugang pa sini nga ang mga estudyante sa mga eskwelahan nga may blended learning ang nagasulod kung aga – humalin alas 7:30 tubtub alas 12 sa udto pagkatapos may yara na lamang sang ginapadala sa hapon nga mga module nga magasilbi nga ila naman nga home work.
Tinutuyo sini nga malikawan ang learning gaps nga nagapabudlay man sang mga manunudlo kag estudyante kasubong sang Covid-19.
Sa karon, pagpaklarp ni Lotilla nga nakadepende sa panahon ang pagkakas sang DepEd Koronadal sa blending Learning.
