KORONADAL CITY – Naglab-ot na sa 14 ka mga bangkay ang nalubong sa kabug-usan nga 22 nga ginbawian sang kabuhi bangud sa tahedya sa Barangay Lamsalome, Tboli, South Cotabato.
Suno kay Surallah MDRRMO Officer Leonardo Ballon, may pila ka mga mga bangkay ang wala pa nakatalana ang petsa sang lubong.
Samtang ang patay nga lawas ni Analyn Pendaton nga ulihi nga napagkit nga napatay sa Southern Philippine Medical Center SPMC) sa siyudad sang Davao matapos ginpaidalom sa operasyon ang nadul-ong naman sa pamilya sini sa Malungon, Saranggani.
Padayon man sa gihapon ang pagbulig sang LGU Surallah sa mga pamilya nga nabiktima sang pagkahulog sang forward truck sa Brgy Lamsalome.
Kaangot ini, ginpasiguro man ni Ballon nga padayon ang ila nga pagpakig-angot sa mga pamilya sang family outing tragedy agud nga mahibaluan pa ang panginahanglanon sang mga ini.
Nagpalab-ot man sang pagpasalamat ang LGU Surallah sa tanan nga mga nagbulig kag nagpalab-ot sang comfort sa pamilya sang mga biktima
