KORONADAL CITY – Ginalauman nga pagadagsaon sang mga deboto subong nga Huwebes Santo tubtob sa Domingo sang pagkabanhaw ang nabukid nga bahin nga gintukuran sang 14 ka istasyon sang krus sa siyudad sang Koronadal.
Sa interbyu sang Bombo Radyo Koronadal kay Letecia Mangulos, nagapanag-iya sang Passion Hill Garden, sa Matulas, Barangay Paraiso, siyudad sang Koronadal, nagsugod ang pagbisita sang mga deboto subong nga adlaw kun diin ang iban ginhimo nila ini nga bonding sang ila pamilya sa pagsaka
didto.
Nahibaluan nga ginhimo ang Passion hill garden bilang handurawan ni Ginang Mangulos sa iya nagtaliwan nga bana, bata kag amay.
Suno sa iya, paghigugma sa Diyos kag mabakod nga pagtuo ang nagtulod sa ila nga pamilya agud nga itukod ang Passion Hill Garden.
Nahibaluan nga may mga testimonya man nga suno pa nagamilagro ang krus sa lugar matapos nga mahatagan snag bata ang isa ka deboto nga nagpadulong didto.
Kalakip man sa mga nagapadulong didto ang mga may balatian kag mgamay diperensiya.
