Naglab-ot na sa 132 ang numero sang mga napatay sa maduguon nga police raid sa bahin sang pigado nga lugar sa Alemão kag Penha sang Rio de Janeiro, Brazil, suno sa public defender office sang nasambit nga pungsod.
Suno sa report, amo na ini ang pinakamaduguon nga operasyon sa kasaysayan sang siyudad sa diin sobra pa sa doble sa nauna nga report nga 58 ang napatay.
Ginkumpirmar naman ni Governor Cláudio Castro nga padayon pa nga ginatun-an sang mga forensic expert ang mga ginreport nga napatay kag ginpahayag niya nga kalabanan sa mga napatay sa operasyon mga miyembro sang sindikato.
Base naman sa mga saksi sa lugar nga daw nangin “gyera” ang natabo nga pag-ilinaway sang mga pulis kag mga armado nga kalalakihan.
Nagamit pa sang mga drone nga may yara sang Bomba ang mga miyembro sang gang agud atakihon ang miyembro sang kapulisan.
