13 pilason sa pagbaliktad sang bus makaligad nga nadulaan sang preno kag nabangaan ang isa ka delivery van sa South Cotabato

KORONADAL CITY – Nagapaayo sa subong ang 13 ka mga pasahero nga pilason makaligad nga nagbaliktad ang isa ka truck bus nga gina panig iyahan sang isa ka pribado nga kumbuyuhan sa banwa sang Polomolok, South Cotabato.

Suno sa Traffic Investigator sang Polomolok PNP, natabo ang aksidente bangud sa nadulaan sang preno ukon kontrol ang truck bus nga sakay ang 36 ka mga empleyado halin sa ila nga ubra kag nabanggaan ang isa ka delivery Van sa parte sang national highway Crossing Palkan sa nasambit nga banwa.

Maayo na lang kag lunsay ka mga minor injuries lamang ang naangkon sang mga pasahero.

Pagasabton man sang tag iya sang bus ang pang pabulong sa mga pasyente nga naulamid sa natabo nga aksidente.