KORONADAL CITY- Yara sa 13 ka mga empleyado sang Land Transportation office Region 12 ang gintaltal sa pwesto sang bag-o nga Regional Director humalin sang nagpungko ini sa pwesto.
Ini ang ginpahayag ni LTO 12 Regional Director Macario Gonzaga sa interbyu sang Bombo Radyo Koronadal.
Suno kay Gonzaga, ang pagkakas sa pwesto sang mga empleyado sang LTO ang bangud sa reklamo batuk sa ila bangud sa pangongotong, anomalya kag korapsyon.
Kag bangud sa pagkakas sa ila nag-hire ang LTO sang 7 ka bag-o nga empleyado kag plano pa nga dugangan ini.
Kadungan sini, nagpahanumdim si Gonzaga sa publiko nga maghalong sa mga indi otorisado nga law enforcers ukon nagapakuno-kunon nga LTO employee agud nga makaangkon sang kwarta.
Gindugang pa sini nga bawal man ang magbayad sang direkta sa law enforcer kun madakpan sa dalan.
Ginpaathag sini nga dapat may ipakita nga valid ID ang magadakop nga enforcer kag may yara sang igahatag nga TOP para sa violation sang motorista.
