KORONADAL CITY – Dalayon nga nagbalik sa sabak sang gobyerno ang 13 ka mga Bangsamoro Islamic Freedom Fighters (BIFF) members. Isa sa mga rason nga sila ang nagbalik sa sabakan sang gobyerno agud nga makapangabuhi sang tayuyon upod ang ila nga pamilya.
Ang mga nasambit nga mga terorista ang nagsungka sa bahin sang Barangay Pigcalagan, Sultan Kudarat, Maguindanao del Norte.
Sa ila nga pagsungka, dala nila ang ila nga mga gamit sa pakigbato sa gobyerno, kasubong sang 50 caliber Barrett, Sniper rifle, Grenade launcher, RPG, mga bala kag madamo pa.
Bangud sini, gindayaw naman ni Major General Alex S. Rillera, Commander sang 6th Infantry (Kampilan) Division at Joint Task Force Central ang pagtinguha sang tropa para magbalik sa sabak sang gobyerno ang mga terorista nga grupo.
Sa interbyu naman sang Bombo Radyo Koronadal kay ni Brig. Gen. Oriel Pangcog, Commander sang 601st Brigade Phil. Army, ginpahayag sini nga bukas gid ang ila nga talatapan nga batunon ang mga terorista bangud ang mga programa sang gobyerno ang nagahulat sa ila bilang patimaan sang pagbag-o sang ila nga pagpangabuhi.
