12 katawo nabiktima sang diarrhea outbreak sa South Cotabato

KORONADAL CITY- Temporaryo nga ginpauntat ang pagkuha sang tubig sa Sitio Basak, barangay Bacdulong, Lake Sebu, South Cotabato matapos nga makaangkon sang diarrhea outbreak.

Sa pahayag ni Lake Sebu Mayor Antonio Fungan sa interbyu ng Bombo Radyo Koronadal, naglab-ot sa 12 ka mga persona ang gindala sa ospital, 6 sini ang mga bata kag 6 naman ang mga may edad na bangud sa pagpalanakit sang ila nga tiyan kag masami nga pamuhin.

Sang tinalikdan nga Pebrero 19 pa nag-umpisa nga makabatyag sang pagparanakit sang tiyan ang mga biktima.

Suno kay Mayor Fungan, isa sa mga ginalantaw nga rason sang kontaminasyon sa tubig amu ang ginagamit nga spray sa talamnan sang saging nga malapit sa source sang tubig nga ginakuhaan sang mga residente sa lugar.