Pormal na nga ginpasaka sang National Police Commission (Napolcom) ang mga kaso nga administratibo batok sa 12 ka aktibo nga pulis nga nadalahig sa pagkawala sang mga sabungero.
Ang mga kaso nga ini para sa grave misconduct, irregular performance of duty, kag conduct unbecoming of a police officer.
Madumduman nga si whistleblower Julie “Dondon” Patidongan ang nagpasaka sang reklamo sa Napolcom, kaupod ang mga himata sang mga nadula.
Suno sa iya , ang mga pulis ang ginbayaran agud nga kuhaon kag patyon ang mga sabungero, kag ihaboy ang mga bangkay sa Taal Lake.
May kaangtanan diri, may mga tul-an nga nakita sa idalum sang lake, kag sa karon ginapaidalom sa forensic examination agud nga matukiban kon ini gid bala ang mga tul-an sang mga nawawala nga sabungero.
Ang Napolcom ang naghatag sang lima ka adlaw sa mga pulis para sa ila counter-affidavit.
Ginasiling nga may mga alegasyon sang pagpaninguha nga impluwensyahan ang imbestigasyon, lakip na ang pagpalapit sang pila ka personalidad sa sabong industry sa opisyal sang Napolcom agud nga mag-intervene sa kaso.
