Nagsungka sa Joint Task Force Central ang dose (12) ka mga myembro sang Local Terrorist Group.
Ang nasambit nga mga indibidwal ang nagikan sa quad boundary sang South Upi, Guindulungan, Datu Hoffer kag Datu Unsay kun diin boluntaryo nga nagtalikod sa ila nga organisasyon matapos ginsungka man ang dala nila mga mga armas luthang.
Ini ang bunga sang pagpakig-angot sang 40IB, 33IB, 6IB kag 92IB, 1BCT bilang suporta sa ginpahugtan nga military operation sang 6ID.
Ginpresentar ni Lt. Col. Aeron Gumabao, Battalion Commander sang 57IB ang mga indibidwal nga biktima sang pagpanunto sang LTG kay 603Bde Commander, Brig. Gen. Michael Santos sa isa ka programa nga gintambungan sang mga Local Chief Executives (LCEs) sang Upi, Maguindanao del Norte kag South Upi, Maguindanao del Sur kaupod ang AGILA-HAVEN Focal Person, Provincial Administrator sang Maguindanao del Norte, duha ka Municipal Chief of Police kag mga IP leaders.
Ginkalipay naman ni Maj. Gen. Antonio Nafarrete, Division Commander sang 6ID kag JTF Central ang padayon nga pagtinguha sang kasuldaduhan nga makab-ot ang kalinong sa bug-os nga area nga ila nasakupan.
“Hinihikayat namin ang mga natitirang miyembro ng LTG na talikuran ang kanilang armado at mapanglinlang na pakikibaka at piliing mamuhay ng mapayapa sa kanilang komunidad. Ang mga kasundaluhan katuwang ang mga ahensya ng gobyerno na may inisyatibong programang pangkapayapaan ay handang umalalay sa inyong pagbabagong buhay”, ayun kay Maj. Gen. Nafarrete.
