KORONADAL CITY- Dako ang kalipay sang 6th Infantry Division makaligad nga nagsungka ang halos 12 ka mga katapo sang BIFF kag Dawlah Islamiya nga wala na sang may nagluntad nga engkwentro antes ang pagnumpa nila nga magabalik sa sabak sa gobyerno.
Ini ang ginpahayag ni Lt. Col. Dennis Almorato, 6th ID Phil. Army Spokesperson sa interbyu sang Bombo Radyo koronadal.
Suno sa opisyal, padayon nila nga gina awhag sa karon ang iban pa ka mga terorista nga grupo nga magsungka lang sang maayo bangud sila ang luyag nga batunon ang mga ini para sa ila nga panibag o nga kabuhi.
Kung madumduman, nag-abot na sa 12 nga mga katapo sang mga terrorista nga grupo nga Dawlah Islamiya kag Bangsamoro Islamic Freedom Fighters ang nagsungka sa AFP sa bahin sang probinsya sang Maguindanao.
Sandig sa 6th Infantry Division ang 12 ka mga armado nga kalalakinhan ang nagsungka sang ila nga mga armas antes nga nagpanumpa nga magbalik na sa sabak sang gobyerno nga gin organisa pinaagi sa bulig man sang LGU ,6th Infantry Battalion kag sang 2nd Mechanized Battalion.
Una nga nagsungka sa sa 6th IB, nga sakop ng 601st Infantry Brigade, ang 2 ka katapo sang DI kag isa ka anay Bangsamoro Islamic Freedom Fighters sa bahin sang Datu Piang, Maguindanao.
Dungan naman nga 9 ka iban pa nga mga terrorista ang halin sa linyada sang 2 ka gruupo nga una naman nga nagsungka sa militar.
Wala naman gin sapubliko sang 6th IB kag 2nd Mechanized Battalion ang 12 nga mga lokal nga terrorista nga nagsungka para man sa ila nga kaluwasan kag siguridad.
