KORONADAL CITY-Naglab-ot na sa 11 ang pilason sa asud asud nga engkwentro sa tunga sang mga suldado kag rebelde nga NPA sa nabukid nga bahin sa boundary sang T’boli South Cotabato kag Kiamba Saranggani, Province.
Ini ang ginpahayag ni Col. Oriel Pangcog, commanding officer sang 601st brigade Philippine Army sa interbyu sang Bombo Radyo Koronadal. Suno sa opisyal, siyam na sa mga ini amo ang mga rebelde samtang 2 naman ang sa mga suldado.
Ginahibalo pa sa karon ang una nga nareport nga may anom nga napatay sa mga rebelde bangud sa wala suno pa nga may narekober nga bankay sang mga ini. Sa karon, nagapadayon ang hot pursuit operationn sa grupo ni Kumander Yoyoy sang Guirelle Front Musa sang NPA nga siya naman ang naenkwentro sang mga suldado.
Samtang, gilayon naman nga ginbuligan sang LGU-Tboli ang mga himata sang nagbakwit halin sa barangay Tudok kag Dlanag nga nahadlok na bangud basi maulamid sa engkwentro. Sa karon ginpasiguro sang Militar nga wala na sang mga sibilyan nga madamay pa sa nagluntad nga panghilitabo.
