STO. NINO,SOUTH COTABATO – Naglab-ot sa onse ka maghimata ang pilason lakip na ang isa ka foreigner sa pagbaliskad sang isa ka multicab sa banwa sang Sto. Nino, South Cotabato kaina sang udto kun diin kritikal ang pila sa mga ini.
Sa interbyu sang Bombo Radyo Koronadal kay MDRRMO Bobet Fale, samtang ginausoy sang multicab nga nagaduag sang pula nga ginamaneho sang isa ka Sandy Fran ang kalabaon sang national highway, Barangay Panay, Sto. Nino, South Cotabato, naglupok ang royda sa ulihi nga bahin sang salakyan nga nagresulta sa pagbaliskad sini kun diin nagtabog ang mga sakay nga pasahero sa likod.
Suno kay Fale papuli na sa Isulan, Sultan Kudarat ang mga biktima sang matabo ang aksidente.
Nakilala ang mga pilason nga sanday Kieth Moore, 60, isa ka foreigner; Ramona Fran, 73; Mary Ann Fran, 37; Margarita Fran, 47; Rolly Fran, 4; Kate Arnold Fran,6; Queenie Ringalay,25;Queen Ringalay,3; Zachia Ringalay,3; at Jessica Ringalay, 23 nga lunsay mga residente sang Barangay Bambad sa banwa sang Isulan.
Sa subong ginabulong na sa Doctors Clinic and Hospital kag South Cotabato Provicial Hospital ang mga pilason nga biktima
