Nagdangat na sa 11 nga tawo ang napatay tuga sang malapnagon nga pagbaha sa Kentucky nga posible madugangan pa samtang nagapadayon nga ginabantayan ang mga posible nga isa ka snowstorm nga magpabudlay sa pagrescue sang mga residente, suno kay Governor Andy Beshear.
Ang flash flood ang nag-umpisa pa sang Sabado ang nakaapekto sa halos bug-os nga state sang Kentucky sa U.S. pati man sa mga kaiping nga estado sini.
Masobra sa 1,000 nga rescue mission ang gintigayon sang mga search teams agud buligan ang mga apektadonga residente.
Magluwas sa mga napatay, madamo man nga tawo ang nadulaan sang panimalay kag masobra 14,000 nga mga panimalay kag negosyo ang wala sang kuryente, samtang 17,000 man ang wala sang tubig.
Samtang, ginpadala na ang Kentucky National Guard agud mag asister sa mga aviation crew halin sa Indiana kag Tennessee, pati man sa mga federal urban search and rescue teams halin sa Ohio, Indiana, kag Tennessee.
Ang pipila ka parte sang estado ang naka-eksperensya sang masobra 200 millimetre nga ulan, kag ginalauman pa nga makaeksperensya tubtob 150 millimetre nga snow, amo may kahadlok na sa paabot nga snowstorm nga magapabudlay sa mga opesyon sang rescue kag relief sang gobyerno.
