Isa ka 11-anyos nga babae ang himala nga nakaluwas matapos nga ma-stranded sang tatlo ka adlaaw sa isa ka swipwreck sa kadagatan nga sakop sang Lampedusa islands sa pungsod Italy.
Base sa nagin pahayag sang bata, nagsakay sila sang iya pamilya sa isa ka barko halin sa Sfax City sa pungsod Tunisia. Kaupod nila ang tubtob 45 katawo.
Sang palapit na ini sa isla sang Lampedusa, naglubog suno pa ang ila ginasakyan nga barko bangod sa isa ka makusog nga bagyo.
Sa karon wala sa giyapon nagapgwas sang detalye ang survivor kasunod sang pagkasalbar sini halin sa nagbaliktad nga barko.
Suno naman sa gin pahayag sang German-based charitable organization nga Compass Collective, ila naagyan ang babae sa kadagatan nga sakop sang nasambit nga isla, sang adlaw sang , Disyembre 11.
Ang nasambit nga organisasyon ang nakasakay sa isa ka bangka pakadto sa isa ka rescue operation sang ila makit-an ang survivor.
Suno sa mga rescuers, gin-istorya suno pa sang babae nga pipila na ini ka adlaw nga wala nagakaon kag naga-inom.
Nakit-an man saiya nga may ara ini sang hypothermia, apang nagapabilin ini nga ‘responsive’ sang ini gina-isyorta.
Sa karon yara na sa karon sa Italian Red Cross ang babae samtang padayon pa ini nagapabulong halin sa tatlo ka adlaw nga paglutaw-lutaw sa kadagatan.
