KORONADAL CITY– Gin isa isa na suno pa sang mga otoridad ang mga balay sa Houston, Florida agud hambalan nga maghanda na sa pag igo ni Hurricane Irma buwas sang agahon oras sa Amerika.
Ini ang ginkumpirmar ni Marilyn Gumbao-Carreon, nga residente sang Barangay San Roque, Koronadal City kag isa ka nurse sa Florida.
Antes mag abot ang bagyo, kinahanglan na suno pa nila nga makahalin bangud ginalauman nga maglab-ot sa 10 ft ang tubig baha ilabi na kay malapit sila sa dagat.
Samtang tatlo ka adlaw na suno pa nga wala sang suplay sang gas bangud makit-an nga ang iban nga residente ang nagadala na sang container sa mga gas station sa kahadlok nga maubusan sang suplay.
Magluwas diri malaba nga pila naman ang maabtan sa mga baraklan kun sa diin naga antos na ang mga residente sa soda bangud wala na sang mabakal nga tubig.
Sa subong, nagaantos suno pa sila sang iya nga pamilya sa pag inom sang mga soda agud indi maubos ang suplay nila sang tubig bilang preparasyon sa bagyo.
Kaangot sini magbiyahe naman sila sang iya nga pamilya padulong sa mga shelters isa ka oras ang kalayuon sa ila gina istaran apang posible maglab ot sa lima ka oras ang biyahe bangud sa trapiko.
