Masobra 100 ka mga layco ang gin-assign sa nagkalain-lain nga mga sementeryo sa selebrasyon sang All Saints Day kahapon nga adlaw sang Sabado, Nobyembre 1, 2025.
Sa interview sang Bombo Radyo Korondal kay Nicholas Berlanas, Layco President sang St. Anthony de Padua Parish. Suno kay Layco Berlanas, bangud sa madamo nga naga-request sang pag-blessing sa mga pansyon, nagumpisa na kahapon ang mga layco sa paglibot kag pagpangamuyo sa nagkalain-lain nga mga sementeryo sa syudad sang Koronadal.
Dugang pa niya, ginpasugtan man ang pag-blessing bisan All Saints Day matapos ang hangyo sang mga himata kag pagtugot sang kura paroko.Ginpahayag man niya nga wala sang bayad ang pagpablessing, apang bukas ang simbahan sa donasyon para sa pagpauswag sang mga sementeryo.
Gin-awhag man ni Berlanas ang publiko nga magpalapit sa mga lamesa sang parokya kun luyag nila mag pa request sang donation slip bangud layco na ang bahala mag basa sang pangalan sang mga patay.
