KORONADAL CITY- Ginabulubanta nga yara sa masobra 100 ka ektarya sang kadutaan ukon pananom sang mais ang naguba tuga sang mabaskog nga hangin kag ulan nga nagpanalasa sa Brgy. Rizal, Banga, South Cotabato.
Suno sa impormasyon sang South Cotabato Provincial Disaster Risk Reduction and Management Council magluwas sa ekta-ektarya nga kadutaan, naguba man ang 6 ka mga puluy-an kun sa diin nakapagkit sang yara sa P2 million ka danyos.
Sa karon ginapreparar na ang bulig ilabi na sa mga apektado nga mga local farmers makaligad ang nasambit nga kalamidad.
Nahibalaun nga dako ang kawad-an sang pagkaguba sang mga pananom nga mais bangud ini ang nagapanguna nga source of income sang mga taga Banga kun sa diin ang nasambit nga banwa ang Corn Capital sang pungsod.
