KORONADAL CITY- Naglab-ot na sa napulo ka tawo ang napagkit nga patay bangud sa rabies sa probinsiya sang South Cotabato.
Kaangot sini, nabalaka na sa subong ang mga health officials sa pagpanguna sang South Cotabato Integrated Provincial Health Office (IPHO) sa posible nga pagsaka pa sang kaso sang rabies sa probinsya.
Ginpahayag ni South Cotabato Health Officer Dr. Rogelio Aturdido nga sa nasambit nga numero, 2 diri ang nakagat sang ido sa iban nga lugar kag napatay lamang diri sa probinsya.
Ang ulihi nga napagkit nga patay bangud sa rabies ang residente sang Barangay Desawo, T’boli, South Cotabato.
Kaangot sini, hugot nga ginpahanumduman sang opisyal ang publiko nga indi pagpabay-an nga makagat sang ido kag sat ion nga indi ini malikawan gilayon nga magpadulong sa pinakamalapit nga animal bite center agud nga madapatan sang nagakaigo nga rabies vaccine.
