KORONADAL CITY- Personal nga nagsungka sa mga otoridad ang napulo nga miyembro sang New People’s Army ukon NPA platoon Cherry sang front 73 kalakip na ang ila kumander nga ginkilala kay Juanito Dapyas.
Bitbit man sang mga ini ang nagkalain-lain nga sahi sang armas nga ginalakipan sang tatlo ka cal. 45, isa ka m14 rifle, 12 gauge shutgun, duha ka cal. 38 kag iban pa.
Sa interbyu kay kumander Juanito, ginpahayag sini nga nanamian sila sa mga gintanyag sadto sang komunista nga grupo kasubong sang pagbaton sang bulanan nga sweldo, libre nga edukasyon, hospitalization,agricultural machine kag puluy-an.
Apang nagdesisyon suno pa sila nga magsungka matapos nga apisar dyutay wala sila sang nabaton sa mga ginpromisar.
Sa subong nagapabilin ang mga ini sa Sultan Kudarat Provincial Headquarter para sa interogasyon.
