KORONADAL CITY- Ginpaidalom na sa imbestigasyon ang 10 ka mga miyembro sang Bangsamoro Islamic Freedom Fighters nga nagsungka sa militar sa banwa sang Shariff Aguak, Maguindanao.
Suno sa 6th Infantry Division Philippine Army sa pagpamuno ni 6th Infantry Division Commander Major General Cirilito E. Sobejana, ang mga nagsungka amuh sanday Commander Gani Saligan, 4th Brigade Commander sang 2nd Division sang BIFF kaupod ang iban pa nga mga rebelde nga sanday Rafael Asim, Kusain Bantilan, Alex Datungan, Aladin Saligan, Longs Bantilan, Elmer Mangatog, Alan Saligan, Muhammid Maslamama kag Kanaw Maslamama sang BIFF Karialan faction.
Ginsungka man sang mga rebelde ang ila mga high-powered firearms nga ginabug-usan sang 50 caliber Barret rifle, ultimax 5.56mm rifle, M14 rifle kag 45 caliber pistol nga may assorted magazines kag ammunitions.
Suno naman kay Saligan, gin-awhag sini nga nagsungka ang mga kaupdanan agud makapangabuhi nga kaupod ang pamilya bangud ila nahuna-hunaan nga wala sang padulungan ang ila pakig engkwentro sa tropa sang gobyerno kag pagpalapnag sang kinagamo.
